1960-ᒥ ᐱᒋᐊᖅᑎᑕᐅᓚᐅᖅᓯᒪᓪᓗᓂ, ᐳᕕᕐᓂᑦᑐᖅ ᑯᐊᐸᒃᑯᑦ ᐃᓚᐅᓚᐅᖅᓯᒪᕗᑦ ᓴᖅᑭᑕᐅᑎᓪᓗᒋᑦ ᑲᑐᔾᔨᖃᑎᒌᑦ ᑯᐊᐸᒃᑯᑦ ᓄᑖᓂᒃ ᑯᐸᐃᖕᒥ. ᓴᓐᖏᓕᖅᐹᓪᓕᖅᑎᑕᐅᓪᓗᓂ ᑲᔪᓯᑦᑎᐊᕐᓂᕆᓚᐅᖅᑕᖓᓄᑦ ᐱᓕᕆᖃᑎᒌᓐᓂᒃᑯᑦ, ᐳᕕᕐᓂᑐᒥᐅᑦ ᕿᓚᒥᕈᓗᒃ ᐃᓱᒪᓕᐅᓕᓚᐅᖅᑐᑦ ᐃᓱᒪᒋᔭᐅᓂᖓ ᑲᑐᔾᔨᖃᑎᒌᓐᓂᖅ ᐊᔭᐅᖅᑕᐅᒃᑲᓂᖅᐸᑦ ᐊᒻᒪᓗ ᐅᖓᕙᕆᐊᖅᑕᐅᓗᓂ ᐊᓯᖏᓐᓄᑦ ᓄᓇᓕᓐᓄᑦ, ᑕᒪᓐᓇ ᐱᕕᖃᑦᑎᑦᑎᒐᔭᖅᑐᖅ ᓄᓇᖃᑦᑎᐅᔪᓂᒃ ᓴᓐᖏᔪᒥᒃ ᐱᓕᕆᔾᔪᑎᒥᒃ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᒻᒪᓗ ᐃᓅᓯᓕᕆᓂᕐᒧᑦ ᒐᕙᒪᒃᑯᑦ ᑎᒥᖁᑎᖏᓐᓄᑦ ᐊᒻᒪᓗ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᔪᒪᔭᖏᓐᓄᑦ ᖁᔭᓈᖅᑕᐅᑐᐃᓐᓇᕋᔭᖏᑦᑐᑦ.
ᑕᐃᒫᒃ ᐃᓱᒪᓕᐅᓚᐅᖅᐳᑦ ᖃᐃᖁᔨᔪᒪᓪᓗᑎᒃ ᐊᓯᖏᓐᓂᑦ ᐱᑕᖃᕇᖅᑐᓂᒃ ᑯᐊᐸᓂᒃ ᑲᑎᖁᓪᓗᒋᑦ ᑲᑐᔾᔨᖃᑎᒌᓪᓗᑎᒃ. ᑕᐃᒪᐃᒻᒪᑦ, ᓴᙱᑦᑎᒋᐊᖅᑕᐅᓪᓗᓂ ᓈᓴᐅᑎᒃᑯᑦ, ᐊᑐᓂ ᓈᓴᐃᖃᑦᑕᐅᑎᔪᓐᓇᖅᑐᐃᓐᓇᐅᕗᑦ ᐊᔪᕐᓇᖅᑐᒃᑰᕐᓂᖅᓴᐅᓗᑎᒃ ᐊᒻᒪᓗ ᐃᑲᔪᖅᑕᐅᓂᖅᓴᐅᓕᕐᓗᑎᒃ ᓂᐅᕕᕈᓐᓇᖅᓯᓂᖅᓴᐅᓗᑎᒃ.
FCNQ Construction Inc.−ᑯᑦ ᐅᐱᒍᓱᒃᖢᑎᒃ ᐃᑲᔪᖅᑐᐃᕗᑦ 14−ᓂᒃ ᑯᐊᐸᓂᒃ ᓴᓇᑎᓪᓗᒋᑦ ᐊᒻᒪ ᐋᖅᑭᐅᒪᑎᑦᑎᔭᕆᐊᖃᖅᑎᓪᓗᒋᑦ. ᐱᓕᕆᐊᕗᑦ ᑐᙵᕕᖃᑦᑎᐊᖅᑐᖅ ᐊᖏᕈᑎᒋᓯᒪᔭᑦᑎᓐᓂᒃ ᑲᔪᓰᓐᓇᕈᓐᓇᖅᑐᒥᒃ ᐱᕈᖅᐸᓪᓕᐊᓂᕐᒥᒃ ᓄᓇᕕᖕᒥ ᐊᒻᒪ ᐆᒻᒪᕆᒃᑐᓂᒃ ᓄᓇᓕᖕᓂ.
ᑕᐃᑲᓂ FCNQ Construction Inc.-ᑯᑦ ᐊᐅᓚᖃᑦᑕᖅᑐᑦ ᑕᐃᒪᓐᓇᓗ ᓄᓇᕕᖕᒥ ᓴᓇᓕᓚᐅᖅᑐᒍᑦ ᐊᕐᕌᒍᓄᑦ 40-ᓄᑦ.
